—

—

-

話咁快.又一年.此刻仍舊記得去年今日寫年終盤點的感受.不知不覺間原來已經又過了三百六十五個日與夜.對於港樂講樂以及我自己而言.今年是尤其重要的一年.而對於港樂而言.今年更是井噴式地出了無數好歌.接下來.為你送上.每年年終例牌的最後一篇推送"我最喜愛的二十首粵語歌"

都係嗰句.

呢個榜單冇任何權威性

如果揀唔中你嗰首完全唔出奇

因為我又唔係你.你又唔係我

僅代表自己觀點

總是一句講曬

各花入各眼啦

(冇推送鏈接嗰幾首唔係漏咗放

而係.真係未寫.....)

"第二十位揀咗釗峰.其實呢個位置係最難揀.一直係呢只同《水形物語》之間徘徊.最後揀只我諗好大原因係因為監製麥浚龍.我覺得佢真係幫到首歌好多好多.令樂迷聽到一個前所未有嘅釗峰"

推送:介紹你識一位新朋友：笑哈哈先生

"Oscar係新生代一個十分值得關注嘅填詞人.呢份根據小說而改編嘅歌詞填得十分優雅.當然"族長"安仔的演繹亦十分抵讚.除咗呢首之外.今年出嘅其他作品都分屬優秀"

"20首歌入面如果要揀最難唱嗰首一定係呢首.但係泳兒簡直係超班完全任務.馮穎琪x周耀輝呢對創作過無數神曲嘅金牌組合.繼去年"花系列"的《花心》之後再次搭配泳兒.用沉淪的態度看人生.亦能暢快暢泳"

推送:從星塵墜落於溝渠暢泳

"呢首真係要講聲唔好意思.啱啱出嘅時候第一次聽就覺得好鬼正.而自己本身又有本一直未開始睇嘅原著小說.原本諗住睇完就寫.點鬼知睇到宜家都係睇咗三分一.但係首歌就真係好聽.黃妍一流之外.仲要留意翻.作曲欄.又有全能選手林家謙."

"舊年轉會華納之後到宜家為止.《次元壁》係我最喜歡阿Mag嘅一首作品.旋律夠入耳加上Wyman份詞填得好鬼浪漫.將兩個個體形容成兩個宇宙.呢個比喻.都算絕妙."

"唔好以為自己改變唔到世界.只要我哋每個人做好自己崗位上嘅嘢.咁呢個世界就一定會變得好.加油.每道微小都很重要.

如果揀一支能為時代發聲的樂隊.

我會揀RubberBand"

"浦銘心呢邊今年出嘅幾首歌.最喜歡還是因為搶跑而導致成為最後一首派台歌的《三生一吻》.這是章霈迎在系列中奉獻的唯一一首曲作.用《人妻的偽術》開始.用《三生一吻》作結.三年一夢.很高興認識妳.再見.浦銘心."

"轉會寰亞後終於再次聽到女神嘅歌聲.如果有留意欣宜今年上嘅節目同埋佢嘅社交平台.佢真係一個由心底靚出嚟嘅人.越來越鐘意佢.呢首《小夜燈》係話畀全世界人知.當年被肥姐呵護著的小女孩.如今已經成為一盞可以給無數人帶來溫暖的小夜燈"

推送:今晚聽欣宜唱

"又有新突破.每一首歌都有新驚喜.呢個就係我畀陳蕾嘅評價.不屈服於主流市場.走出一條屬於陳蕾自己嘅路.《娑婆》好得不得了.從構思到歌詞到全曲成色都十分有格調.不妨做個預言.豹哥會係三年之內.攞女歌手金獎.(當然講緊叱咤.勁歌金曲嗰個攞唔攞都罷啦.)"

"冇錯.我諗我自己都覺得驚訝.上兩年起碼有兩首歌入到我前十嘅董浦故事線.今年最高只係排到第十一.不過呢啲嘢都係個人口味.最後一張冇咗林老爺我覺得點都係差小小.不過Wyman寫嘅呢首我又真係好鐘意.雷克雅未克之後.又多一個癡情人.約定未來要到切爾諾貝爾闖闖.不止心跳冒汗.係時候講再見了.董折."

"林老爺今年唯一一首上榜歌.今年梁偉文寫嘅幾首詞令許廷鏗再次成為男歌手獎項嘅有力競爭者.其中我最喜歡《慌》.係因為好講到宜家呢個世界.好似好多嘢令到自己怯慌.明明自由身.卻似乎處處是牢籠"

"呢首其實都唔使講啲乜.淨係"莫文蔚"三個字都已經夠曬格排係呢個位置"

推送:舊事物充斥空氣內一呼一吸都有害

"終於出場.今年我最喜愛的男歌手.我一定會揀呢個斯斯文文但係講嘢又好鬼抵死嘅全能音樂人.講真我係今年先懂得欣賞佢.今年嘅佢.係歌手.係作曲人.係作詞人又係監製.基本上做一首歌佢自己一個已經搞掂曬.簡直成個樂壇.就係林家謙嘅"一人之境"."

推送:一個人原來都可以盡興

"陀地歌姬變成樂壇天后.今年越來越多人識Serrini.呢條女真係越來越紅.仲紅到入埋叱咤我最喜愛女歌手五強.呢首上半年派台嘅《網絡安全隱患》我loop到上禮拜都仲loop緊.真係年頭到年尾到令我令我令我令我感覺很安全."

推送:請抱緊壓迫裡的你的我的網絡緣分

"填詞人陳耀森話如果今年冇疫情就唔會有靈感寫呢首《隔離》.無論曲詞唱都好好.每一環都冇出錯令呢首歌成為今年嘅情歌經典.超級洗腦嘅副歌亦大大加強咗樂迷之間嘅流行程度.當然.更多人鐘意嘅應該係家謙係隔籬唱嘅合唱版《隔籬》"

推送:隔離了我該怎去搞清楚

"說來巧合.真係冇夾過.原來我上年榜單嘅第五位都係嚟自小巧.舊年係《雲吞》今年就變咗《與人同行》.小巧其實真係好正.好期待佢會大紅特紅.而呢首佢自己填詞嘅作品.真係好warm.今年聽特別窩心.亦令我明白.原來將鬱結講出來.係十分有必要的."

推送:那些荊棘艱辛不妨與人同行

"從來未聽過咁樣嘅江海迦.突然嚟一首快歌.真係耳目一新.超級驚喜.再加上林若寧向師父致敬嘅歌詞.令呢首歌瘋狂得嚟又足夠浪漫.成為年我心中的殿軍."

推送:新飞女正传

"呢首.係完美的.冇一環出問題.曲詞編監連MV都係完美.每一樣嘢都係一百分.林家謙嘅旋律正.陳奕迅啲演繹更正.小克份詞簡直超級正."落入五蘊"呢句簡直係入心得嚟又扮嘢嘅示範例句."

推送:是但求其愛

"同DearJane第一次合作.就已經極有可能填出一首叱咤"我最喜愛的歌曲".你話點可以唔佩服黃偉文.每一句都溫暖.每一句都係金句.係呢個年.我相信已經係好多人嘅NO.1.其實如果唔係之後嗰首年尾殺出.呢首係我心目中已經贏咗.但.可以擊敗黃偉文的.亦只有黃偉文了."

推送:你的銀河我來修補

"趁這天.趁這刻.想見的人還在身旁馬上見.想做的事還能去做即刻做.我知道必然會有遺憾.但起碼做到自己想做的.可以盡力讓遺憾少一點.再少一點.明年.願你有壽命.有伴侶.有東京.有一切.

年度之歌非它莫屬

明天讓我們一起高唱這歌"

推送:年我的年度之歌

-

年12月31號.港樂講樂的關注人數是.而一年之後的今天.關注人數則為.也就是說.這個公眾號我做了三年.頭兩年合起來集結了位頑童.而單單是今年這一年.就集結了位.這一年.很榮幸認識你們.

-

如果我沒記錯.今年應該是我做的三件事讓關注人數有頗大幅度的增長.第一是年頭我做了一期《何愁無韻她自成詩》的荔枝直播.第二是做了一期名為《我愛夢》語音推送.再接下來就是幾場線下聚會busking.

-

今年.我們從線上.走到線下.我能親眼見到你們.親手抱到你們.那份滋味.千金不換.無論我們是否見過面.我都想在之後的日子與你繼續並肩同行.繼續人民甜心.繼續釋放熱能.無論你是從哪個時間點關注我.都是我的榮幸.如若我做的某些事寫的某句話能讓你產生共鳴.那便是我的莫大福氣.亦是我做港樂講樂的初衷.

粵語歌是埋於血脈裡的東西.

敲不碎.擊不破

粵語歌是永遠聯結我和你的東西

從當年.到今日

記得啦

明晚.七點.

廣州.海珠廣場

約定.我們將見面

再相擁.再高歌

有乜唔清楚睇推送:

突發變動丨一月一丨告別江泰路重回舊地

下一年

任世界怎樣變幻

願我仍然是我

最後一首歌無法介紹

以此作結

動人時光

地老天荒

呢度係

港樂講樂

明年見

明晚見

晚安

E.N.D