好耐无发新歌嘅Juno麦浚龙
就趁住琴日情人节
发咗首派台新歌
打算送一份暗黑情人节礼物比大家——
《人渣》
“感情，可以係一种甜蜜，亦都可以係一种痛苦。喺全世界都庆祝情人节美好之时，总有人要感受被忽略嘅痛楚。”
喺微博一向寡言嘅Juno
喺新歌出炉之前就只係Po咗条宣传片视频
连文字都无写
↓
BUT
呢条片就犀利囖
有梁朝伟、古天乐、谢安琪、莫文慧撑场
喺条片度仲好直接讲：
“人渣？咪麦浚龙囖！”
谢安琪更係超级入戏
简直好似岩分手嘅情侣
碌尽友情卡拍嘅暗黑宣传预告片↓
宣传片最后镜头一黑
Juno嘅独白姗姗而来——
“人渣？禽兽？名嚟嘅啫...”
嗰把带有好强气息嘅熟悉低音听到人鸡皮都起
《人渣》MV↓
MV好简单无花巧嘅镜头
都无情节、故事
就只有麦浚龙一个人坐喺镜头前唱歌
Juno仲表示《人渣》呢首新歌
係佢入行以来慢中最快嘅melody
因为歌词真係好密
对嘴型都用咗好耐时间
作词黄伟文
作曲徐继宗
编曲监制EdwardChan、麦浚龙
歌词讲述嘅係：
一个喺人地眼中係人渣嘅男人嘅内心独白
同时都对重新定义咗人渣呢个词
只有自己先体会到搵唔到最爱嘅人嘅心酸
再一次拜倒喺黄伟文嘅歌词之中
“人人在指控谩骂声讨我吗？
谁想过到薄暮年华，人渣幸福吗？”
“人人同为人渣你不体谅我吗？
难道我想爱得精彩亦算可怕。”
其实有句话讲得好岩：
“人渣特别有魅力，
就好似垃圾食品特别好食一样。”
可惜好多受欢迎嘅人渣最后
都仍然孤身一人
“敢于狠心分手怎算是下贱
下贱就是慢慢地榨干她”
相信之后肯定唔少（zha）男
会用歌词发朋友圈
十二年前有《耿耿于怀》
两年前有《念念不忘》、《罗生门》
最后有爱情三部曲最终章《雷克雅未克》
Juno嘅主题情歌一首比一首有意思
十分期待人渣后续——
《禽兽》嘅登场
赞赏
